په غور ولايت کې څه دپاسه زرو کورنيو ته د غير خوراکي توکو د مرستو د ويش لړۍ پيل شوه
د غور ولایت د مهاجرینو امریت د معلوماتو له مخې د مرغومې میاشتې په ۲ نیټه په دغه ولایت کې پر یو زرو ۱۳۱ بې ځایه شویو کورنیو باندې د غیر خوراکي توکو مرسته وویشل شوه.
یادې شوې کورنۍ تر دې وړاندې د یاد ولایت د مهاجرینو امریت له لوري سروې او پېژندل شوې وې، چې د انصاري موسسې په همکارۍ هرې کورنۍ ته د پخلنځي لوښي، د اوبو یو سطل، څلور کمپلې، دوه ترپالونه، دوه د اوبو بیرلونه او ۴۰ جوړه جامې ورکړلی شوې.