د ملګرو ملتونو عالي کمېشنرۍ د وزارت د دفتر ریاست رییس سره وکتل

sadam_morr
پنجشنبه ۱۴۰۳/۷/۱۹ - ۲۲:۳۹
-
د مهاجرینو او راستنېدونکو چارو وزارت د مقام د دفتر ریاست رییس الحاج قاري محمد اجمل ویاړ د خپل کار په دفتر کې د ملګرو ملتونو د کډوالو عالي کمېشنرۍ له مرستیال ښاغلي محمد سوبیر محمد ابراهیم سره وکتل.
په دې کتنه کې د وزارت ځینو رییسانو هم ګډون درلود، چې په راتلونکي کې په سویل ختيځ زون کې د کډوالو په چارو کې د ملګرو ملتونو عالي کمېشنرۍ د فعالیتونو د ځنډولو په اړه خبرې وشوې.
ښاغلي ویاړ په دې اړه د نور وضاحت غوښتنه وکړه او له وزارت سره د هغوی د راتلونکي کال د پلانونو د شریکولو غوښتنه یې هم څرګنده کړه.
د وزارت د مقام د دفتر رييس پوهنې وزارت ته د جوړو شويو ښوونځيو د سپارلو په برخه کې د دغې ادارې پر همکارۍ ټينګار وکړ.
د وزارت د پلان او پالیسۍ رییس مولوي محمودالحق احدي د کمېشنرۍ د خدمتونو ستاینه وکړه او ویې ویل: تاسې د افغانستان حالت او وضعیت ته په کتو د مهاجرینو لپاره خپلو فعالیتونو کې زیاتوالی راولئ.
د کمېشنرۍ مرستيال په راتلونکي کال کې د بوديجې ستونزه د جنوب ختيځ زون د استازولۍ د فعالیتونو د ځنډ لامل وګڼله او زياته يې کړه: د کمېشنرۍ ډېر پام په جبري توګه راستنېدونکو ته دی.
نوموړي په راتلونکي کې د سویل ختیځ زون د استازولۍ د فعالیتونو د نه ځنډولو په برخه کې د کمېشنرۍ د همکارۍ ډاډ ورکړ.

تازه خبرونه

چهارشنبه ۱۴۰۵/۸/۲۰ - ۱۴:۹
Background image

ترکیې ته د مهاجرینو چارو وزارت تللي پلاوي د خپل سفر راپور د مهاجرینو چارو له وزیر سره شریک کړ

ترکیې ته د افغان کډوالو ستونزو د حل په موخه د مهاجرینو چارو وزارت د مقام دفتر رییس ښاغلي مولوي سعید احمد بنوري پر مشرۍ، د یاد وزارت او بهرنیو چارو وزارت تللي ګډ پلاوي نن د خپل سفر راپور. . .

سه‌شنبه ۱۴۰۵/۸/۱۹ - ۱۵:۵۶
Background image

د مهاجرینو چارو وزیر د لغمان له مرستیال والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د لغمان له مرستیال والي ښاغلي حافظ انځیرګل عبدالله سره وکتل.
په دغې لیدنه کې، چې له ښاغلي عبدالله سره د. . .

یکشنبه ۱۴۰۵/۸/۱۷ - ۱۳:۳۹
Background image

د مهاجرینو چارو وزیر په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل.
د پیل په ناسته کې. . .

بېرته خبرونه ته