د مهاجرینو وزارت مسلکي معین د کندز ولایت مهاجرینو رییس سره ولیدل
د مهاجرینو او راستنېدونکو چارو وزارت مسلکي معین مولوي عبدالرحمن راشد کندز ولایت ته د خپل سفر په ترڅ کې د دې ولایت د مهاجرینو له رییس مولوي عبدالوالي محمدي سره کتلي دي.
په دې لیدنه کې مسلکي معین د خپل سفر موخه، د شمالي او شمال ختیځو ولایتونو د مهاجرینو ریاستونو ستونزو ته د رسېدنې په اړه معلومات شریک کړل.
ښاغلي راشد د بې ځایه شویو، بېرته راستنو شویو، اړمنو د پېژندنې او له هغوی سره پر مرستو کولو ټینګار وکړ.
بل لورته د کندز مهاجرینو رییس؛ مسلکي معین او ورسره مل پلاوي ته ښه راغلاست وویل او زیاته یې کړه، چې هڅه کوي څو مهاجرینو ته ښه او ګټور خدمات وړاندې کړي.
نوموړي همداراز د یاد ریاست په کاري برخه کې ځینې ستونزې شریکې کړې، چې د ښاغلي راشد له لوري په دې برخه کې د حل ډاډ ورکړل شو.
