لغمان کې ۱۳ داخلي بې ځایه شویو کورنیو ته لنډمهاله مېشتغالی جوړ شو
د لغمان ولایت د مهاجرینو چارو ریاست د معلوماتو له مخې، د زمري پر دولسمه د ۱۳ داخلي بې ځایه شویو کورنیو لپاره لنډمهاله مېشتغالی جوړ شو.
دا لنډمهاله مېشتغالی د لغمان د مهاجرینو چارو په همغږۍ، د ولایتي بیړنیو حالاتو کمیټې په غوښتنه او د ولایت د مقام د هدایت پر بنسټ د سرخکانو په سیمه کې د داخلي بې ځایه شویو کورنیو لپاره جوړ شو.
د يادونې وړ ده، چې دا کورنۍ د دغه ولایت د مقام په لارښوونه د امنيې قوماندانۍ په مرسته د قرغیو ولسوالۍ له نوآباد سيمې څخه دې لنډمهاله مېشتغالي ته ولېږدول شوې.