‎ په اسلام، هېواد او ملي ارزښتونو له هیچا سره معامله نه کوو او نه بل چاته ددې اجازه ورکوو

د مهاجرینو او رستنېدونکو چارو سرپرست الحاج خلیل الرحمان حقاني، د خوست ولایت مرکز اړوند، مټا چینې، نور القرآن مدرسې فراغت غونډه کې وویل، په اسلام، هېواد او ملي ارزښتونو به له هیچا سره معامله ونکړي او نه به بل چاته ددې اجازه ورکړي

نوموړي زیاته کړه، د علم دستار د دولت، منصب او شهرت لپاره نه، بلکې د راتلونکي نسل پروړاندې یو لوی مسولیت دی او علما باید دا مسولیت په ښه توګه ترسره کړي

ښاغلي حقاني د علماو او قومونو ترمنځ په یووالي هم ټینګار وکړ او له علماو یې وغوښتل، چې د اسلام او نظام د ساتنې لپاره په مدرسو کې د نورو دیني زدکړو ترڅنګ جهادي فکر او نظامي زدکړې هم تدریس کړي

په غونډه کې د مهاجرینو چارو وزیر راستنو شویو مهاجرینو لپاره هم له ولسونو وغوښتل، چې د بسترو، سون توکو او

خوارکي موادو په برخه کې ددوی لاسنیوی وکړي