جوزجان کې له دوه سوو زياتو کورنيو سره نغدي مرستې وشوې
د جوزجان ولايت د مهاجرينو چارو رياست په دغه ولايت کې ۲۳۰ اجباري راستنېدونکو کورنيو ته د ليندۍ په ۵ مه د نغدي مرستو د وېش خبر ورکړ.
يادې مرستې چې پکې ۶ قلمه خوراکي او غير خوراکي توکي شامل وو، د طبيعي پېښو په وړاندې د مبارزې او د کليو د پراختيا او بيا رغونې ادارو په مالي مرسته د مهاجرينو ادارې تر څار لاندې په مرديان، فيض اباد، اقچه، خانقاه او منګجيک ولسواليو کې ووېشل شوې.