د راستنېدونکیو کډوالو مېشت غالي اړوند روغتون کې د لابراتوار او غاښونو څانګې پرانيستل شوې.
په تورخم کې راستنېدونکیو کډوالو ته جوړ شوي مېشت غالي کې د ۲۰۱ خالد بن وليد رضی الله عنه قول اردو اړوند د ګمبيري ساحوي سل بستریز نظامي روغتون قوماندان مولوي عبدالمنان حمزه په مشرۍ جوړ شوي روغتون کې د لابراتوار او غاښونو څانګې پرانيستل شوې او عملاً يې په کار پيل وکړ.
د مولوي حمزه په وینا؛ د نورو بېلابېلو صحي خدماتو ترڅنګ مو د لابراتوار او ستوماتولوژۍ برخې هم پرانيستې، ترڅو په ټولو برخو کې راستنېدونکیو هېوادوالو ته آسانتياوې برابرې کړو.