حقاني: هرڅوک، چې په هېواد کې سرمایه ګذاري کوي مونږ یې ملاتړ او د امنیت ډاډ ورکوو
د مهاجرینو او راستنېدونکو چارو وزیر الحاج خلیل الرحمان حقاني له خصوصي سکتور سره د تخنیکي او مسلکي زدکړو د همغږۍ کانفرس کې وویل: مونږ باید په هره برخه کې د ښاغلي رضا احمدي په څېر ځوانان وروزو ترڅو د نورو له احتیاجه خلاص او په هربخش کې پرځان بسیا شو
ښاغلی حقاني وویل: مونږ د هېواد بیا رغونه کې د هېواد هر وګړي ته اړتیا لرو او د هېواد تجاران او شتمن دې خپله سرمایه په هېواد کې دننه مصرف کړي
نوموړي پرځان بساینه د هېواد لومړنۍ اړتیا وبلله او د تخنیکي او مسلکې زدکړو له ادارې یې مننه وکړه، چې په دې برخه کې یې کوټلي ګامونه پورته کړي
