نيمروز کې د بيا يوځای کېدو کمېټه بيا ځلې فعاله شوه
د مهاجرينو چارو وزارت له لورې د (UNHCR) دفتر په مرسته دلړم په ( ۴) مه د نيمروز ولايت د راستنېدونکو او بېځايه شوو د بيا يوځای کېدو کمېټه بياځلې فعاله شوه.
په ناسته کې چې په همدې موخه د دغه ولايت د يوشمېر سيمه ييزو مسؤلينو او داخلي او بهرنيو همکارو مرستندويه بنسټونو د استازو په شتون کې ترسره شوه، دنيمروز ولايت د مهاجرينو چارو رئيس د راستنېدونکو او د راستنېدونکو اوبېځايه شوو کمېټې د فعاليتون او د کار د اهميت په اړه حبرې وکړې.
وروسته د دغه ولايت د مقام د دفتر رئيس مولوي وکيل احمد حقيار د مهاجرينو چارو وزارت د کړنو څخه مننه وکړه او په دغه ولايت کې يې د مهاجرينو چارو رياست سره د اړوندو څانګو د لاهمغږۍ اود راستنېدونکو او بېځايه شوو د ستونزو دحل غوښتنه وکړه.
په پای کې د ناستې ګډنوالو د موضوع اړوند خپل نظرونه او وړانديزونه وړاندې کړل او ناسته د وزارت د پلاوي له لورې د راستنېدونکو او بېځايه شوو د بيايوځای کېدو کمېټې د موخو، د معلوماتي سيستم او د کاري فعاليتونو د تګلارې په اړه د پرزينټيشن په وړاندې کولو سره پای ته ورسېده.