بغلان کې بېځايه شوو کورنيوسره د غير خوراکي موادو مرستې وشوې
د ملګرو ملتونو دکډوالو ادارې UNHCR له لورې د بغلان ولايت دکډوالو چارو رياست په همکارۍ ۱۳۶ بېځايه شوو کورنيوسره د غير خوراکي موادو مرستې وشوې.
يادې کورنۍ چې د جګړو له امله د بېلابېلو سيموڅه ددې ولايت مرکز ته راکډه شوې وې د وري په ۲۶مه هرې کورنۍ ته يوه يوه روغتيايي کڅوړه، دپخلنځي سامان الات، درې کمپلې مرسته ووېشل شوه.
همدارنګه ۱۰ خېمې، د ښوونځي لپاره دمرکزي بغلان ولسوالۍ د سولې ښارګوټي د ولسوال او پوهنې امر په همغږۍ د ملګرو متلونو دکډوالو ادارې له لورې د بغلان ولايت دکډوالو چارو رياست په همکارۍ ولګول شوې.