لغمان کې ۳۰ ته د حرفوي زده کړو له مرکز څخه فارغ شول
د کډوالۍ نړيوال سازمان (IOM) او کار او ټولنيزو چارو رياست له لورې د لغمان ولايت دکډوالو چارو رياست په همکارۍ ۳۰ تنه راستنېدونکي د ۹ مياشتو حرفوي زده کړو څخه فارغ او کاري وسايل ورته ورکړل شو.
ګډونوالو ته په دوو برخو ګلدوزۍ او موبايل جوړولو کې زده کړې ورکړل شوې وې، چې ۱۵ تنو ښځنيوته يې د ګلدوزۍ او ۱۵ تنو نارينه و ته يې د موبايل جوړولو وسايل ورکړل شول.