د تورخم په عمري مېشتغالي کې راستنو شویو ته د خدمتونو وړاندې کولو لپاره دوه امبولانس موټر ځانګړي شول
د ننګرهار د مهاجرینو چارو ریاست د تورخم عمري مېشتغالي روغتیايي کمېټې ته دوه امبولانس موټر وسپارل شول.
د یاد ولایت د مهاجرینو چارو رییس ښاغلي مولوي غلام الرحمن بلال وویل: دغه امبولانسونه د مهاجرینو چارو وزارت له لوري ورکړل شوي وو؛ خو د راستنو شویو اړتیاوو ته په کتو پرېکړه وشوه، چې د تورخم عمري مېشتغالي روغتیايي کمېټې ته وسپاروو.
هغه زیاته کړه، چې له دغو امبولانسونو څخه د ناروغانو د لېږد او هغوی ته د روغتیایي خدمتونو وړاندې کولو لپاره کار اخیستل کېږي.