ننګرهار کې ۴۳۹ بېځايه شوو کورنيو سره مرسته وشوه
دخوراک نړيوال سازمان WFP، PINاو ماشوم ساتنې نړيوالې ادارې له لورې د ننګرهار ولايت دکډوالو چارو رياست په همکارۍ ۴۳۹ بېځايه شوو کورنيو سره نغدي، خوراکي او روغتيايي کوڅوړومرسته وشوه.
د يادو کورنيو له ډلې ۲۷۴ کورنۍ د سره رود ولسوالۍ د ککړک سيمې څخه ددې ولايت امن سيمو ته بېځايه شوې وې، چې د ماشوم ساتنې نړيوالې ادارې له لورې هرې کورنۍ ته يوه يوه کڅوړه روغتيايي او خوراکي مواد، د PIN موسسې له لورې د هسکې مېنې ۹۰ بېځايه شوو کورنيوهرې کورنۍ ته ۱۲۰۰۰ افغانۍ نغدي، دپخلنځي مکمل سامان الات او د خوراک نړيوال سازمان WFP موسسې له لورې د خوګياڼو ولسوالۍ ۶۵ کورنيو هرې کورنۍ ته ۲۰۰ کيلو اوړه، ۱۴ کيلو نخود، ۱۰ کيلو غوړي، ۴۰ پاکټه بسکويټ او يو پاکټ مالګه مرسته ووېشل شوه.
