د کډوالو او راستنېدونکو چارو وزیر محترم مولوي عبدالکبیر په کابل کې د جاپان له سفیر ښاغلي تاکايوشي کورومايا سره د مخه ښې لیدنه وکړه.

anwari_morr
پنجشنبه ۱۴۰۴/۶/۲۰ - ۱۰:۱
-
 
ښاغلي تاکايوشي کورومايا د خپل ماموریت پر مهاله د اسلامي امارت او د راستنېدونکو چارو د وزیر لخوا د ورسره شویو همکاریو او لیدنو له امله مننه وکړه.
ښاغلي کورومايا په افغانستان کې د سولې او ثبات ستاینه وکړه او زیاته یې کړه، چې د رسمي معلوماتو پر بنسټ د افغانستان اقتصاد د ودې په حال کې دي او تمه ده چې لاپرمختګ وکړي.
نوموړي د کابل او توکیو اوږدو اړیکو ته په اشارې سره وویل، چې جاپان په تېرو څلورو کلونو کې په میلیونونه ډالرو بشري مرستې افغانانو ته رسولې دي او همدارنګه د ژمي له رارسیدو وړاندې به د اړمنو افغانانو لاس نیوی وشي.
د جاپان سفیر د مخدره توکو، اداري فساد او مفسدو ډلو پر وړاندې د اسلامي امارت مبارزه اغېزمنه وبلله او زیاته یې کړه، چې نړۍ او اسلامي امارت باید په ګډه د اوسني افغان حکومت رسمیت پيژندنې ته کار وکړي.
نوموړي د خبرو په پای کې یادونه وکړه، چې د جاپان حکومت به په افغانستان کې یو شمېر ټولګټې پروژې پر مخ یوسي.
محترم مولوي عبدالکبیر د جاپان سفیر او ورسره مل پلاوي ته ښه راغلاست وویل او په کابل کې یې د ښاغلي تاکايوشي کورومايا ماموریت بریالی یاد کړ او همدارنګه له افغانانو سره د جاپان د حکومت له مرستو یې مننه وکړه.
محترم وزیر څرګنده کړه، چې اسلامي امارت ته ګڼې ننګونې په میراث ورپاتې دي خو بیا هم افغان حکومت توانیدلی چې خپلې چارې په اغېزمن ډول ترسره کړي.
د محترم مولوي عبدالکبیر په وینا چې اسلامي امارت له نړۍ سره د مثبتو اړیکو غوښتونکی دی او اسلامي نظام په تېرو څلورو کلونو کې خپلې ژمنې عملي کړې دي.

تازه خبرونه

چهارشنبه ۱۴۰۵/۸/۲۰ - ۱۴:۹
Background image

ترکیې ته د مهاجرینو چارو وزارت تللي پلاوي د خپل سفر راپور د مهاجرینو چارو له وزیر سره شریک کړ

ترکیې ته د افغان کډوالو ستونزو د حل په موخه د مهاجرینو چارو وزارت د مقام دفتر رییس ښاغلي مولوي سعید احمد بنوري پر مشرۍ، د یاد وزارت او بهرنیو چارو وزارت تللي ګډ پلاوي نن د خپل سفر راپور. . .

سه‌شنبه ۱۴۰۵/۸/۱۹ - ۱۵:۵۶
Background image

د مهاجرینو چارو وزیر د لغمان له مرستیال والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د لغمان له مرستیال والي ښاغلي حافظ انځیرګل عبدالله سره وکتل.
په دغې لیدنه کې، چې له ښاغلي عبدالله سره د. . .

یکشنبه ۱۴۰۵/۸/۱۷ - ۱۳:۳۹
Background image

د مهاجرینو چارو وزیر په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل.
د پیل په ناسته کې. . .

بېرته خبرونه ته