کډوالو وزارت په يوه ناسته کې په ايران کې د مېشتو افغان کډوالو وضعيت ښه والي په اړه خبرې وکړې

anwari_morr
یکشنبه ۱۳۹۹/۹/۹ - ۲۲:۴۸
______________

په هغه ناسته کې چې په  کډوالو او راستنېدونکو چارو وزارت کې د  سرپرست او نوماند وزير نور الرحمن اخلاقي په مشرۍ  جوړه شوې وې په ايران کې د مېشتو افغان کډوالو پر قانوني کېدو او د غير قانوني افغان کډوالو په اړه د ايران  د اسلامي شورا د ځينو غړو د وروستي پلان په اړه خبرې وشوې.

دکډوالو او راستنېدونکو چارو  وزارت سرپرست وزير وويل: چې په ايران کې د کډوالو د ستونزو کمولو لپاره د دوی قانوني کول،  دکډوالو بشري حقونو او امتيازاتو کارول او همدارنګه د دواړو هېوادونو ترمنځ د کډوالۍ پدېده کې د اسانتياو رامنځ ته کول مهم او ارزښتناک وباله او ټينګار يې وکړ چې افغان کډوالو ته د پېژند پاڼو  وېش ګړندی کړي.

 

همدارنګه د معلوماتو او احصايې ملي ادارې رئيس احمد جاويد رسولي وويل: تر اوسه ۲۰نفره تخينکي ټيم ايران ته د کډوالو د هويت د تثبيت او هغو ته د پېژند پاڼو د وېشلو لپاره استول شوی دی او ددې ډلې په زياتولو سرهبه  له سلو زياتو کسانو ته چې احصايه ملي ادارې چمتوالی نيولی دی دغه لړۍ نوره هم  ګړندۍ شي.

د هغه په خبره د ټولو کډوالو د پوښښ لپاره دا اړينه ده چې له زرو څخه زيات خلک ولرې ترڅو په يوه کال کې د پېژند پانو دوېش پروسه بشپړه شي.

د بهرنيو چارو وزارت د قونسل مرستيال احمد فياض امين دمعلوماتو پر اساس تر اوسه ۴۵۰۰ تنه افغان کډوالو ته پېژند پاڼې وېشل شوي او شاوخوا ۲۳ زره نورو هويت تثبيت شوی.

په دغه ناسته کې پرېکړه وشوه چې د ايران د اسلامي شورا د استازو د وروستي پلان په اړه د هېواد د بهرنيو چارو وزير د ايران د بهرنيو چارو وزير سره خبرې وکړي او همدارنګه افغان کډوالو د قانوني کېدو لپاره به پېژند پاڼې ووېشي.

تازه خبرونه

پنجشنبه ۱۳۹۹/۱۰/۱۱ - ۸:۳۲
Background image

کډوالو وزير د امريکا سفير سره دکډوالو او بېځايه شوو وضعيت په اړه خبرې وکړې

 

دکډوالو او راستنېدونکو چارو وزير نور الرحمن اخلاقي د ويډيوي کنفرانس له لارې په کابل کې د امريکا متحده ايالاتو له سفير راس ويلسون سره د کډوالو او بېځايه شوو د وضعيت په اړه خبرې وکړې.

. . .
سه‌شنبه ۱۳۹۹/۱۰/۹ - ۱۳:۵۹
Background image

د پناه غوښتونکو مرستيال دراستنېدو پروسې څارنه وکړه

د کډوالو او راستنېدونکو چارو وزارت د پناه غوښتونکو مرستيال وفي الله کاکړ د مرغومي په ۹مه دحامد کرزي نړيوال هوايي ډکر کې د افغان کډوالو د راستنېدو پروسې څارنه او ارزونه وکړه. هغه. . .

سه‌شنبه ۱۳۹۹/۱۰/۹ - ۱۳:۵۹
Background image

کډوالو وزير د ښه لاسرسي په موخه د چارواکو په زياتو هلو ځلو ټينګاروکړ

 

په هغه مراسموکې چې د کډوالو وزارت د مالي او اداري مرسيتال احمد ولي حکمي د مخښې او د هغه د هڅو د ستايلو په مخه جوړ شوي و د کډوالو او راستنېدونکو چارو وزير نور الرحمن اخلاقي د ښه. . .

بېرته خبرونه ته