کډوالو وزارت يوشمېر نويو رئيسانو او حقوقي سلاکار پر کار پيل وکړ
د ډيپورت شوو ، د مرستو د همغږۍ او د نظارت او ارزيابۍ رئيس او حقوقي سلاکار چې د ازادې سيالۍ له لارې په دغه بست کې مقرر شوی و په يوې رسمي ناستې کې کارکوونکو ته ور وپېژندل شول او کارونه يې پيل کړل.
د کډوالو او راستنېدونکو چارو وزير نور الرحمن اخلاقي نوو مقرر شوو رئيسانو او حقوقي سلاکار ته د نوې دندې مبارکي وويل او په کډوالو وزارت کې يې د کادري خلکو پر مقررېدو خوښي وښوده.
په ورته وخت کې نويو رئيسانو او حقوقي سلاکار ژمنه وکړه چې د ګډو موخو او خلکو د خدمتو کولو په برخه کې به هڅې کوو.
حزب الله صابري دکډوالو وزارت حقوقي سلاکار ، ولي الله قريشي د مرستو د همغږۍ رئيس ، محمد نادر شفيق د ډيپورت شوو رئيس او محمد همايون نور د نظارت او ارزيابۍ رئيس هغه خلک دي چې د ازادې سيالۍ له لارې د اداري اصلاحاتو او ملکي خدمتونو دخپلواک کمېسيون له لارې د کډوالو او راستنېدونکو چارو وزارت په تشکيلاتو کې اضافه شول.
ذکر شوي رياستونه د ۱۳۹۹ کال په اخره کې د کډوالو او راستنېدونکو چارو وزارت په تشکيلاتو کې ايجاد شول.
