کډوالو وزارت هڅه کوي اړمنو کورنيوته ژمنۍ مرستې ووېشي
دکډوالو او راستنېدونکو چارو وزارت سرپرست او نوماند وزير نور رحمن اخلاقي دکډوالو وزارت د ستراتېژيکو اړيکو خبرو اترو د غونډې په پای کې ټينګار وکړ چې دغه وزارت هڅه کوي،چې بېځايه شوو او اړمنو کورنيوته ژمنۍ مرستې ووېشي.
سرپرست وزير د تلې په ۱۵مه ددې وزارت مسؤلينو او کارمندانو ته د چارو په پرمخ بيولوکې لاشفاف او صادق وبلل زياته يې کړه، چې يوه ډېره مستحقه ډله زموږ د فعاليتونو په تمه ده ، نو موږ بايد يوځای کار وکړو ترڅو موږ ته راسپارل شول مسؤليت په پوره بريالتوب سره ترسره کړو.
ښاغلي اخلاقي څرګنده کړه چې سره له دې چې د ژمنيو مرستو برنامې لري؛ په ژمي کې د بېځايه شوو او اړمنو کورنيو اړتيا پوره کولو لپاره شاوخوا ۸۰ ميليونو ډالرو ته اړتيا ده، چې وزارت يې په وخت ترلاسه کولو لپاره هڅې کوي.
په ورته وخت کې د کډوالو او راستنېدونکو چارو وزارت مالي او اداري مرستيال احمد ولي حکمي په خپلو خبرو کې په تعليمي او مشورتي برناموکې د برخه والو شتون د پام وړ وباله کله چې کارونه يې عملي او اغېزمن وي.
دغه درې ورځنۍ ناسته د کډوالو او راستنېدونکو چارو وزارت د پلان او پالېسۍ رياست په همغږۍ د يوشمېر رئيسانو او د ۳۴ ولايتونو استازو په شتون کې په کابل کې جوړه شوې وه، ترڅو د فعاليتونو، همغږۍ او سوداګريزو اړيکو ښه کولو لپاره نظرونه او تجربې شريکې کړي.
