کډوالو وزارت داخلي بېځايه شوو ته د ښه لاسرسي په موخه همکارو ادارو سره ۱۵۰ ميليونو افغانيو نه پورته هوکړه ليک لاسليک کړ
د اوو پروژو لپاره د همکاريو هوکړه ليک چې هېواد کې د داخلي بېځايه شوو او راستنېدونکو لپاره په ګوته شوی و او ټول ارزښت يې ۱۵۳ ميليونه، ۲۶۱ زره او ۵۰۲ افغانيو په ارزښت دکډوالو وزارت او څلورو همکارو پلي کوونکو ادارو ترمنځ لاسليک شو.
د کډوالو او راستنېدونکو چارو وزارت د پالېسۍ او پرو ګرامونو مرستيال شېر علم امله وال د (CHA)، Union Aid،(WADAN) او (IAM) موسسې مسؤلينو سره دهمکاريو هوکړه ليک لاسليک کړ.
د دغه هوکړه ليک پر اساس به همکارې ادارې بېځايه شوو او اړمنو کورنيو ته د بشري مرستو دوېش، په ټولنه کې ددې کورنيو ادعام او د دوی د دوامداره معشيت په برخه کې د کډوالو او راستنېدونکو چارو وزارت سره همکاري کوي او او د فعاليتونو په اړه به کډوالو وزارت ته راپور ورکوي.
د وزارت د پالېسۍ او پروګرامونو معين ټينګار وکړ چې همکارې ادارې بايد لاسرسي او خدمتونو وړاندې کولو کې له وزارت سره لازمه همکاري ولري او د هوکړه ليک له مخې به دکاري جريان څارنې لپاره زمينه برابره وي.
