کډوالو او راستنېدونکو چارو وزیر ښاغلي خلیل الرحمن حقاني د مل پلاوي سره اروزګان ولایت ته سفر وکړه

sadam_morr
دوشنبه ۱۴۰۰/۱۲/۲ - ۱۰:۱۷
________________

د کډوالو او راستنېدونکو چارو وزیر د مل پلاوي سره اروزګان ولايت ته سفر وکړ چې د اروزګان ولایت د اوسیدونکو لخوا يې تود هرکلی وشو. د کډوالو او راستنېدونکو چارو وزیر د سفر موخه د اروزګان ولایت د خلکو د ستونزو او مشکلاتو اوریدل وه چې نن شنبه يې د اروزګان ولایت د غونډو په تالار کې د ټولو نظامي او ملکي مسؤلینو سره وکتل. ښاغلي حقاني صاحب یادونه وکړه چې موږ او تاسې د یو سپېڅلې مبارزې له لارې دې ځای او مقام ته رسیدلي یو، پر دې لار مو شهیدان او ټپيان ورکړي دي، نو په موږ او تاسې دا لازمه ده چې د هغو شهیدانو قربانۍ ته متوجې شو، همدارنګه يې وويل چې تېره اداره یوه قوي اداره وه چې د هغوي د ماتيدو عمده لامل ناروا، فسق او فجور، بې حيايي او د موقف څخه ناوړه استفاد کول وه هغو د چا د عزت او ابرو خیال نه ساته، نو تاسې چې پر کوم مقام یاست د هغه څخه باید په لوړه کچه استفاده وکړئ تر څو د دې نظام د پايښت لامل شي. او ټولو نظامي مسؤلینو ته ئې سپارښتنه وکړه چې باید د وخت څخه سالمه استفاده وکړي او د چا د ازادیدو لامل نشي ځکه دا ولس ستاسې ساتنې ته ضرورت لري، او دې ولس ته د کار زمینه برابرول ستاسې مسؤلیت دی. د ولایت د غونډو په تالارکې ټولو ګډون کونکو ښاغلي حقاني صاحب ته په وار سره د اروزګان ولایت موجوده مشکلات واورول او دا ژمنه ئې وکړه چې ددې نظام پايښت لپاره به خپل وس او توان نه دريغوي. حقاني صاحب ټولو حاضرينو ته ډاډ ورکړ چې د دوي ستونزې به د حل په موخه تر مرکزي مسؤلینو رسوي هغه د ټولو مؤسساتو ولایتي مسؤلینو ته سپارښتنه وکړه چې تاسې باید خپلې ټولې سروې د ولایت مقام سره په همږغۍ ترسره کړئ او مستحقو کسانو ته د اولویت حق ورکړئ. نوموړي د اروزګان ولایت د ګډوالو او راستنېدونکو چارو آمریت له لورې اړمنو، بیوزلو، يتيمو او بېځایه شوو کورنیو سره د خوراکي توکو او نقدي مرسته وکړه چې سلو کورنیو ته خوراکي توکي او ۱۰۰۰ کورنيو سره نقدي مرسته وکړه چې هرې يو ته يې ۲۰۰۰ افغانۍ ورکړې.

تازه خبرونه

پنجشنبه ۱۴۰۱/۱۱/۱۳ - ۱۰:۴۵
Background image

د پاکستان له زندانونو څخه له  سلو زيات  افغانان خوشي شول

تېر ماښام د پاکستان له زندانونو څخه ( ۱۱۵) افغانان خوشې شول او د قندهار ولايت د سپين بولدک د مهاجرينو چارو آمريت ته وسپارل شول.

د قندهار ولايت د سپين بولدک د مهاجرينو چارو د آمر په. . .

سه‌شنبه ۱۴۰۱/۱۱/۱۱ - ۱۷:۳۰
Background image

د مهاجرينو چارو وزير د (IRC) موسسې له مرستيال سره  ليدنه وکړه

د مهاجرينو او راستنېدونکو چارو وزير الحاج خليل الرحمن حقان ی د (IRC) موسسې له مرستيال عدنان جنيد سره  په خپل کاري دفتر کې ليدنه وکړه.
په  ليدنه کې  دواړو لوريو اړمنو او مستحقو کورنيو ته. . .

سه‌شنبه ۱۴۰۱/۱۱/۱۱ - ۱۷:۲۲
Background image

د مهاجرينو چارو وزارت مسلکي مرستيال د (IHH) موسسې څخه د راستنېدونکو او بېځايه شوو سره د همکاريو غوښتنه وکړه

د مهاجرينو او راستنېدونکو چارو وزارت مسلکي مرستيال مولوي عبدالرحمن راشد  د سلواغې په (۱۱) په کابل کې د ترکيې هېواد د (IHH) موسسې له رئيس ښاغلي مجاهد کليچ سره ليدنه وکړه.

په ناسته کې چې. . .

بېرته خبرونه ته