کابل کې (500) اړمنو کورنيو سره د خوراکي توکو مرستې وشوې1400کال, ليندۍ،(٢) مه, کابل; افغانستان
په کابل کې (500) اړمنو کورنيو سره د افغان ماشومانو لپاره د جرمني مرستې په نوم موسسې لخوا د خوراکي توکو مرستې وشوې.
د دغې موسسې رئيس حاجي محمد عالم شهاب د مرستو د وېش پرمهال وويل: زموږ اداره له کلونو راهيسې په افغانستان کې په بېلابېلو برخو کې مرستې کوي او په راتلونکي کې هم دغه ډول مرستو ته ژمن دي.
هغه په نړيوالو يو ځل بيا غږ وکړ, چې د افغانانو کنګل شوي شتمنې ازاده کړي او د افغانانو سره دې خپلو بشري مرستو ته دوام ورکړي.
د هغه په وينا, په ننيو مرستو کې اوړه, غوړي, وريجې, بوره, لوبيا او چای شامل دي چې د يوې کوچنۍ کورنۍ لپاره نږدی يوه مياشت بسنه کوي.
دغه راز د کابل کډوالو او راستنېدونکو چارو رئيس قاري عبدالمتين رحيمزي د افغان ماشومانو لپاره د جرمني مرستې موسسې څخه ځانګړې مننه وکړه او ويې ويل: نور موسسات او خېريه بنسټونه دې ددې موسسې په څېر د اړمنو کورنيو سره خپلې مرستې زياتي کړي.
هغه فقر د تېر د فاسد نظام ميراث وبله او ژمنه يې وکړه چې د لوي الله (ج) په مرسته به يې پای ته رسوي.
د نوموړي په وينا, د کډوالو او راستنېدونکو چارو وزارت هڅه کوي چې ټول بېځايه شوي کډوال خپلو اصلي مېنو ته ستانه کړي او اړمنو هېوادوالو ته پر وخت مرستې ور ورسوي
