چین له راستنو شویو افغان مهاجرینو سره ۱۰۰ میلیونه چینايي پیسې (یان) مرسته کوي
د مهاجرینو او راستنېدونکو چارو وزیر په افغانستان کې د چین هېواد له سفیر سره په خپل کاري دفتر کې ولیدل.
د چین هېواد سفیر ښاغلي ژاوشینګ وویل: چین او افغانستان دوه دوست هېوادونه دي او د چین وګړي په هره ستونزه کې د افغانستان د خلکو ترڅنګ ولاړ دي.
په یاده ناسته کې د چین له خوا د افغان مهاجرینو سره د بشري مرستو په اولویت بندۍ، انتقال او د مرستو د وېش په میکانیزم خبرې وشوې.
د مهاجرینو چارو سرپرست وزیر د مهاجرینو سره د چین هېواد د مرستو څخه مننه وکړه او پریکړه وشوه، چې د یادو شویو مرستو تخنیکي چارې به د بهرنیو او مهاجرینو چارو وزارتونو او د چین سفارت د یوې ګډې کمېټې له لوري به پر مخ ولاړې شي.
