په کابل کې (200) اړمنو کورنيو سره د خوراکي توکو مرسته وشوه
1400کال, تلې, 19مه, کابل;افغانستان
د د غو مرستو د ويش پر مهال د کابل د کډوالو او راستنېدونکو چارو رئيس قاري عبدالمتين رحيمزي د جرمني مرستې د افغان ماشومانو لپاره موسسې څخه ځانګړې مننه وکړه او وويل: د ټولو داخلي او نړيوالو خېريه بنسټونو په همکارۍ هڅه کوو, ټولو اړمنو هېوادوالو ته مرستې ور ورسو.
هغه زياته کړه, تر دا مهال مو تر (1000) زياتو اړمنو کورنيو او بې ځايه شويو کډوالو سره د لېږد او خوراکي توکو مرستې کړي او (16) زره په شاو خوا کې کورنۍ مو د خېريه بنسټونو په همکارۍ سروی کړي, چې په نزدې راتلونکي کې به هم ورته مرستې و رسېږي.
د جرمني مرستې د افغان ماشومانو لپاره موسسې رئيس حاجي محمد عالم شهاب وويل: د کرونا ناروغۍ له پيل راهېسي موږ د اړمنو هېواد والو سره کومک کوو او زموږ مرستې به دوام لري.
هغه زياته کړه, په دغه مرستو کې وړه, غوړي, وريجې, بوره, دال او چای شامل وو, چې د کابل د کډوالو او راستنېدونکو چارو رياست په همکارۍ مو اړمنو کورنيو ته و ويشل.
