په مهاجرینو وزارت کې د سلګونه زره ډالرو په ارزښت درې هوکړه لیکونه لاسلیک شول
په مهاجرینو او راستنېدونکو چارو وزارت کې له بشري خیریه، تحقیقات علمي و انکشاف جامعه او اکتید موسسو سره د ۶ سوه ۳۸ زره ۵۴ امریکايي ډالر په ارزښت هوکړه لیکونه لاسلیک شول.
د یادو هوکړه لیکونو له مخې به، د بشري خیریه موسسه ۴ سوه ۷۶ زره ۶۸۵ امریکايي ډالر په کندهار ولایت کې د ۸۰۲ بېرته راستنو شویو کورنیو لپاره د سرپناوو په جوړولو لګوي، د اکتید موسسه به ۹۹ زره ۸۴۹ امریکايي ډالر په بلخ ولایت کې د ۱۰۰ تنو لپاره د قالینو پروسس په برخه کې د زمینې په برابرولو کې لګوي او د تحقیقات علمي او انکشاف جامعه موسسه به په بغلان ولایت کې ۲۷ زره ۳۲۰ امریکايي ډالر د خوراکي توکو په ویش او د مشورو په برخه کې لګوي، چې ۶۱۵ تنه راستانه شوي به ګټه ترې واخلي.
دغه هوکړه لیکونه د مهاجرینو وزارت مسلکي معین مولوي عبدالرحمن راشد او د یادو موسسو استازو تر منځ لاسلیک شول.
