پاکستان له افغانستان سره شپاړس لارۍ خوراکۍ او د ژمي توکو مرسته وکړه

sadam_morr
شنبه ۱۴۰۰/۷/۲۴ - ۶:۱۰
___________

دغه مرستې پرون ماښام په کابل کې د پاکستان سفير ښاغلي منصور احمد خان د افغانستان اسلامي امارت د کډوالو او راستنېدونکو چارو سرپرست وزير الحاج خلیل الرحمن حقاني ته وسپارلې.

ښاغلي حقاني د پاکستان او ټولو هغو هېوادونو مننه وکړه، چې په دې حساسو شېبو کې يې له افغانانو سره مرسته وکړه.

د کډوالو وزیر زياته کړه، چې امريکا او نړيوالې ټولنې شل کاله له فساد، وحشت او ګډوډيو ډک حکومت سره مرستې وکړې او اوس، چې په ټول هېواد کې سر تا سري امنيت او ثبات قايم دی، نړيواله ټولنه بايد په دغو حساسو او ترينګلو شېبو کې د افغانانو لاسنیوی وکړي.

د پاکستان سفير ښاغلي منصور احمد خان هم د کډوالو او راستنېدونکو وزير سره ګډې خبری غونډې ته وويل، چې پاکستان د افغانانو مسلمان د شريک مذهب او ګډ کلتور ګاونډی هېواد دی او هيڅکله به افغانان يوازې پرې نږدي.

ښاغلي احمد خان زياته کړه، چې د پاکستان حکومت سربېره نورې خیريه ټولنې به هم په دې حساس وضعيت کې د افغانانو مرستې او لاسنیوی کوي.

د پاکستان سفير وويل، چې د بشري مرستو سربېره له افغانانو سره هر ډول همکاريو ته دوام ورکوي.

منصور احمد خان د تورخم او وېش سربېره د افغانستان او پاکستان ترمنځ د ټولو تړل شوو دروازو د ژر پرانيستو ډاډ هم ورکړ او زياته يې کړه، چې په لنډ وخت کې به ټولې دروازې د اسناد لرونکو افغانانو پر مخ پرانيستل شي او کوم مريضان، چې اسناد نه لري، د اړتيا له مخې به هغوی ته هم پاکستان ته د تلو اجازه ورکول کيږي.

 

تازه خبرونه

چهارشنبه ۱۴۰۳/۱/۸ - ۱۳:۴۲
Background image

د مهاجرینو وزارت او دوو موسسو ترمنځ د څه باندې۲ میلیونه ډالرو په ارزښت د همکارۍ درې هوکړه لیکونه لاسلیک شول

د مهاجرینو او راستنېدونکو چارو وزارت او دوو موسسو، د بشري مرستو د همغږۍ موسسې او د جاپان بېړنۍ موسسې ترمنځ د ۲ میلیونه ۶۰۰ زره ۳۴۱ امریکایي ډالرو په ارزښت د همکارۍ هوکړه لیکونه لاسلیک. . .

سه‌شنبه ۱۴۰۳/۱/۷ - ۲۰:۵۹
Background image

د مهاجرینو او راستنېدونکو چارو وزارت مسلکي مرستیال پکتیکا ته سفر وکړ

 
د مهاجرینو او راستنېدونکو چارو وزارت مسلکي مرستیال د جبري راستنېدونکو کډوالو لپاره د موقتي استوګنې کمېتې مشر ښاغلي الحاج عبدالرحمن راشد له ګډ پلاوي سره پکتيکا ولایت ته سفر وکړ او. . .
سه‌شنبه ۱۴۰۳/۱/۷ - ۱۳:۲۶
Background image

د مهاجرینو وزارت کې د سلګونو حج غوښتونکو د پچه اچونې مراسم ترسره شول

په ایران، پاکستان او نورو لوېدیځو هېوادونو کې د مېشتو ۶۰۰ کډوالو چې د حج د فریضې د ادا کولو لپاره یې نوملیکنه کړې وه، په مهاجرینو او راستنیدونکو چارو وزارت کې یې د اړوندو برخو د استازو. . .

بېرته خبرونه ته