هرات کې د راستنېدونکو ستونزو ته د لاسرسي په موخه دويمه ناسته ترسره شوه
د راستنېدونکو ستوزنو ته د لاسرسي په موخه دويمه ناسته د مهاجرينو چارو وزارت د مسلکي مرستيال او والي به مشرۍ د اړوندو ادارو او د ملي او نړيوالو مرستنيدويه بنسټونو د استازو په شتون کې د لړم په ۲۴مه ترسره شوه.
د هرات ولايت والي مولوي نور محمد اسلام جار له همکارو بنسټونو څخه غوښتنه وکړه، چې د راستنېدونکو د ستونزو په حل کې دې له دوی سره همکاري وکړي، هغه وويل، نړيواله ټولنه اړ ده، چې له ګاونډيو هېوادونو څخه د ناقانونه افغان مهاجرو د را ويستلو لړۍ وغندي او د راستنېدونکو د ستونزو د هواري له پاره لازم اقدامات ترسره کړي.
هغه زياته کړه، چې له يوبل سره په همکارۍ او همغږۍ کولی شو، چې ستونزې په تېزۍ سره حل کړو.
