مسلکي مرستيال د فاریاب ولايت د مهاجرينو ښارګوټو څخه ليدنه وکړه

د مهاجرينو او راستنېدونکو چارو وزارت مسلکي مرستيال مولوي عبدالرحمن راشد د يو پلاوي په مشرۍ د فارياب ولايت د رسالت او ظهیرالدین محمد بابر د مهاجرينو ښارګوټو څخه ليدنه وکړه.
مسلکي مرستيال په یادو ښار ګوټو کې شته ستونزې وڅېړلې ډاډ یې ورکړ،چې ټولې ستونزې به حل او د زیربطو ادارو سره په ګډې همغږۍ اوهمکارۍ به د ښارګوټو غصب شوې ځمکه له غصب پاکه او غاصیبین به عدليي او قضايي ارګانونو ته ور وپېژني.
هغه زیاته کړه د اسلامي امارات په راتګ سره په ټول هېواد کې امنیت دی، د ټولو هېوادوالو مودا غوښتنه ده، چې خپل هېواد ته راستانه شي او د هېواد په ابادۍ کې ونډه واخلي.
د ياد رياست مسؤلينو په ښارګوټو کې، د ځمکې غصب، د تفصیلي پلان نه شته والی، د روغتيايي مرکزونو، ښوونځيو،سرکونو، پلونو اوپلچکونو او د څښاک دپاکو اوبو د ژورو څاګانو نه شتون هغه ستونزې يادې کړې، چې د بنسټيزو او پراختيايي پروژو د نه پلي کېدو لامل کېږي.
  د ویلو ده، چې په فاریاب ولایت کې د مهاجرینو لپاره دوه ښارګوټي ځانګړي شوي، چې یو یې د رسالت د مهاجرینو ښارګوټی دی،چې د مرکز مېمنې څخه ٧٩ کيلومتره لرې په دولت اباد ولسوالۍ کې په ٤٠٠٠ زره جریبه ځکمه کې جوړ شوی، تفصيلي پلان نه لري، د تيپيک پلان له مخې پکې یو شمېر نمرې خط اندازي شوي او ٣٠٠ جريبه ځمکه یې د غاصيبینو له لورې غصب شوې اوبل یې د ظهیر الدین محمد بابر د مهاجرینو ښار ګوټی دی، چې د مرکز څخه ١٣٥ کیلومیتره لېرې د خان چهار باغ ولسوالۍ په خواجه قدوق قریه کې په ٣٠٠٠ جريبه ځمکه کې جوړ شوی، چې پکې مستحقینو ته ٣١٨ بابه شلترې وېشل شوې وې،چې هغه هم تخریب شوي.
همدارنګه د مهاجرینو او راستنېدونکو چارو وزارت مسلکي مرستیال مولوي عبدالرحمن راشد سره د ښارګوټو څخه د لیدنې پرمهال د فاریاب ولایت د مهاجرینو رییس مولوي سیف الدین جهادي او د دولت آباد ولسوالۍ ولسوال مولوي سیف الله هم ملګري ول