د (PPA) پروژې سرويرانو ته د دوی د مسؤليتونو په اړه معلومات ورکړل شول
![sadam anwari](/sites/default/files/2022-09/dsc_7087.jpg)
د مهاجرينو او راستنېدونکو چارو وزارت لپاره د ملګرو ملتونو دکډوالو ادارې (UNHCR) د (۲۰۲۲) کال د (PPA) پروژې (۲۵) سرويرانوته د دوی د مسؤليتونو په اړه معلومات ورکړل شول.
دناستې په لومړي سر کې د داخلي بېځايه شوو د دايمي حل لارو رئيس مولوي شمال خان عثماني د يادې پروژې سرويرانو ته وويل: چې د خپل علم او تجربې څخه په استفادې د دندې د قانون سره سم، خپل مسؤليتونه ترسره کړئ او بېځايه شوو، راستنېدونکو او اړمنو کورنيو ته په سمه توګه پاملرنه وکړئ.
وروسته د پلان او پالېسۍ رئيس مولوي عبدالحق احدي د پروژې سرويرانو ته د مستحقو او اړمنو کورنيو د کره پېژندنې په اړه معلومات ورکړل ويې ويل: د ا.ا.ا دمهاجرينو او راستنېدونکو چارو وزارت د پالېسۍ د پلي کولو هڅې روانې دي او کره او رڼې پايلې به يې وړاندې شي.
همدارانګه د وزارت د بشري سرچينو رئيس مفتي مديرګل احمدي په سيمه کې د کاري کړنلارې، د سروې، د معاش په خاطر د مياشتني راپور دوړاندې کولو او د (PPA) پروژې ارشد مدير انجينير محمد اجمل د پروګرام د پای، دکار د عملي طريقې، مرکز ته د راپور ورکولو او په ولايتونوکې د وزارت د رياستونو او امريتونو سره د همغږۍ په اړه معلومات ورکړل.
ګمارل شوو سرويرانو دخپلو دندو په ترسره کولو کې د اخلاص، صداقت او ايماندارۍ په اړه ډاډ ورکړ.
د ويلو ده، چې ددې پروګرام د اړتيا لپاره (۲۵) سرويران د ازادې سيالۍ له لارې کامياب شوي او په پام کې ده، چې د بشري مرستو په موخه په هرات، کابل، کندهار، بلخ او ننګرهار کې د راستنېدونکو، بېځايه شوو او اړمنوکورنيو سروې ترسره شي.