د کډوالو چارو وزارت کې د شخړو د حل مدیریت په اړه درې ورځنۍ ورکشاپ جوړ شو
د چنګاښ په ۲ مه نیټه د مهاجرینو او راستنېدونکو چارو وزارت د مرکزي رياستونو ۳۰ تنو کارکوونکو لپاره د «شخړو حل مدیریت» تر سرلیک لاندې ۳ ورځنۍ ورکشاپ د دغه وزارت د کارکوونکو چارو رياست له خوا جوړ شو.
د پروګرام په پیل کې د کارکوونکو چارو رياست د ظرفیت لوړونې امر عبدالباسط عطايي د شخړو حل مدیریت د بنسټیزو مفاهیمو په اړه خبرې وکړې او ويې ویل: «د ظرفیت لوړول زموږ د ټولو مسؤولیت دی. باید هڅه وکړو، چې کاري تجربې په کاري چاپېریال کې له یو بل سره شریکې کړو، ستونزې حل او تجزیه او تحلیل کړو او هڅه وکړو، چې د نورو له تجربو او پوهې څخه ښه ګټه پورته کړو.
په دغه درې ورځني ورکشاپ کې به د روزنې امريت له خوا د شخړو د حل مدیریت، د هغه ډولونه، تعریفونه، مفاهیم او د مدیریت په چوکاټ کې په حل لارو او چارو باندې کډونکوونکو ته به رزونه ورکړل شي.
