د کډوالو چارو وزارت د مرکزي او ولایتي ریاستونو د راتلونکو پلانونو په اړه معلوماتي ناسته ترسره شوه.

د چارو ادارې د عمومي ریاست، د کډوالو او راستنېدونکو چارو وزارت د مرکزي او دویمي واحدونو د راتلونکو پلانونو معلوماتي ناسته د مالي او اداري او مسلکي معینانو، مرکزي رئیسانو او خپلواکو آمرینو په حضور کې ترسره شوه.
پیل کې د مالي او اداري چارو معین شیخ کلیم الرحمن فانی، د سپېڅلي اسلام له لیدلوري او د نبوي ارشاداتو له مخې د پلان، د پلان ترتیب، لارښوونو او اهمیت په اړه حاضرینو ته معلومات ورکړل.
وروسته، د وزارت مسلکي معین الحاج مولوي عبدالرحمن راشد د اسلامي امارت زعیم امیرالمؤمنین،  د حکمونو د تطبیق په اړه خبرې وکړې.
همداراز د پلان او پالیسۍ رییس مولوي محمود الحق احدي، د چارو اداري د عمومي ریاست د مرکزي او ولایتي واحدونو د پلان په اړه د نننۍ ناستې ګډونوالو ته وضاحت ورکړ.
وروسته، د دې وزارت د راتلونکي کال د پلان په اړه چمتو شوی پریزنټیشن د پلان ریاست د پلان آمر، حکمت الله رحیمي، له لوري وړاندې شو.
د ناستې ګډونوالو د وزارت د لاسته راوړنو او فعالیتونو په اړه خپل نظریات څرګند کړل او هر اړخیزې خبرې یې وکړې.
ناسته د وزارت پلان او پالیسۍ رییس مولوي محمود الحق احدي له خوا د دعاييې په ویلو سره پای ته ورسیده.