د کډوالو چارو وزارت د پلان او پالېسۍ سرپرست مرستيال ننګرهار والي سره د کډوالو مديرت په اړه خبرې وکړه
د کډوالو او راستنېدونکو چارو وزارت د پلان او پالېسۍ سرپرست مرستيال مهر خدا صبار د يوپلاوي په مشرۍ د داخلي بېځايه شوو وضعيت د څارنې او د ننګرهار ولايت دکډوالو چارو رياست د فعاليتونو د ارزونې په موخه ننګرهار ولايت ته سفر وکړ او ننګرهار والي شاه محمد مياخېل سره يې ليدنه وکړه.
دغه ناسته د لړم په ۴مه په ننګرهار ولايت مقام کې ترسره شوه،چې پکې داخلي بېځايه شوو وضعيت ته د لاس رسۍ او دواړو ادارو په همغږۍ حبرې اترې وشوې.
ښاغلي صبار د ولايت مقام څخه ددوی د همکاريو له امله مننه وکړه او د بېځايه شوو د وضعيت په ځانګړي توګه په ننګرهار ولايت کې بېځايه شوو ته په اشارې سره وويل، چې دکډوالو او راستنېدونکو چارو وزارت د يو شمېرملي او نړيوالو مرستندويه ادارو سره په ګډه همغږۍ په دې توانېدلی چې ددغه لوی بشري ناورين مخه ونيسي او ورسره مرستې ترسره کړي.
هغه زياته کړه چې په روان کال کې دغه وزارت په ژمي کې د بېځايه شوو د ستونزو د راټيټولو په موخه د ۹۵۰۰۰ کورنيوله ډلې ۴۳۰۰ کورنيوسره د نړيوالو مرستندويه ادارو او پاتې نوروسره د کډوالو چارو وزارت له لورې نغدي او غيرنغدي مرستې ترسره شي.
مياخېل په ورته وخت سرپرست مرسيال او ورسره پلاوي ته ښه راغلاس ووايه او په ننګرهار کې يې د بېځايه شوو په اداره کولو کې دهمکارۍ ډاډ ورکړ ويې ويل، غوره به داوي چې هغه بېخايه شوي کسان په پام کې ونيسو چې بېرته خپلو اصلي سيمو ته ستانه شوي دي.
