د کډوالو وزير: کډوال او بېځايه شوي د انسانانو  په توګه د مرستو وړ  دي، نه دسياسي مسايلو

Bottom of Form

 کډوالو او راستنېدنکو چارو وزير سيد حسين عالمي بلخي  په کابل کې د ناروې دکډوالو ادارې (NRC)  د دفتر له رئيس باکرستوفرنيامندي سره په ليدنه کې وويل، له سياسي مسايلو پرته بايد کډوالو او بېځايه شوو سره مرستې ترسره شي.  

دغه ليدنه د تېرې سې شنبې په ورځ د غبرګولي په ۲۱مه کډوالو چارو وزارت کې ترسره شوه، چې پکې د دواړو ادارو د همکاريو په ښه والي  او په خوست ولايت کې دشمالي وزيرستان بېځايه شووته د رسېدنې  په اړه خبرې اترې وشوې.

ددې سره سره چې  افغان دولت د شمالي وزيرستان بېځايه شوي  د بېځايه شوو په توګه تعريفوي او بهرنۍ موسسې د پاکستاني پناه غوښتونکو په توګه. د ناروې دکډوالو ادارې رئيس وويل، د دې له امله چې د شمالي وزيرستان بېځايه شوي ځانګړی تعريف نه لري نو ځکه دمرستو رسونې لړۍ له خنډ سره مخ کېږي.

ښاغلي بلخي په دې اړه وويل، د کډوالو چارو وزارت په مشرۍ او دملګروملتونو دکډوالو ادارې (UNHCR) په همکارۍ  دشمالي وزيرستان بېځايه شووته د رسېدنې دمديريت پروګرام ترکار لاندې دی چې دهغې په پلي کولو سره به د شمالي وزيرستان د بېځايه شوو وضعيت ښه والی ومومي.

هغه د بهرنيو او نړيوالو موسسو غواړي، چې ددواړو هېوادونو د سياسي مسايلو پرته دشمالي وزيرستان  بېځايه شوو سره د زيانمن شوو انسانانو په توګه مرستې وکړي