د کډوالو وزير دناروې هېواد څخه غوښتنه وکړه چې د افغان کډوالو په دوسيوکې دې له زيات انعطاف څخه کار واخيستل شي
د کډوالو او راستنېدونکو چارو وزير سيد حسين عالمي بلخي سوېس ته په خپل سفر کې دناروې هېواد د کډوالۍ برخې له استازو سره ليدنه وکړه او په هغه هېواد کې دکډوالو پروضعيت خبرې وکړې.
دغه ليدنه د تېر چهارشنبې په ورځ د تلې په ۱۷مه د سوېس په ژنوا ښارکې ترسره شوه او د دواړو هېوادونو دهوکړه ليکونو پر بياکنه او د افغان کډوالو د دوسيو په برسۍ يې خبرې اترې وکړې.
ښاغلي بلخي وويل، هغه هوکړه ليک چې په ۲۰۰۵ کال کې لاسليک شوی بيا کتنې ته ضرورت لري او اړينه ده چې دواړه تخنيکي ټيمونه پرې کاروکړي.نوموړي زياته کړه، چې ددغه وزارت د پناه غوښتونکو مرستيالې ناروې هيواد ته په خپل سفر کې ښې خبرې اترې لرلې او هڅه کوي چې تخنيکي ټيمونه په ځانګړي توګه په دغه ستونزه کار وکړي.
بلخي زياته کړه ، چې په ناروې هېواد کې دافغان کډوالو قضيو برسي زيات اوږدمهالې ده او د ناروې هېواد څخه مې غوښتنه داده چې ددوی په قضيو کې دې د زيات انعطاف څخه کار واخيستل شي او دبې سرپرسته ماشومانو د ديپورت کولو چې تر اوسه يې کورنۍ ته دي پېژندل شوي لاس واخلي.
دناورې هېواد دکډوالۍ برخې استازو د پناه غوښتنې په برخه کې د پروسې د روڼتيا ( شفافيت) خبر ورکړ. په پايه کې وړانديز وشو چې تخنيکي ټيمونه به په جدي توګه خپلو خبرو ته دوام ورکړي.
