د کډوالو او راستنېدونکو چارو وزیر محترم مولوي عبدالکبیر له څو تنو علمای کرامو او د پوهنتون له استادانو سره وکتل .

anwari_morr
دوشنبه ۱۴۰۴/۶/۱۷ - ۱۱:۵۸
_
د پوهنتون حاضرو استادانو او علمای کرامو د اسلامي امارت لخوا راستنېدونکو او زلزه ځپلو هېوادوالو ته د وړاندې کېدونکو خدمتونو په ستایلو سره وویل، چې افغان ولس د اړمنو په لاس نیوی سره، خپل یووالی او له حکومت سره همکاري ثابته کړه.
دغو علماوو او د پوهنتون استادانو د ټولنې د فرهنګي ودې او ځینو شته ستونزو د حل په موخه خپل وړاندېزونه له محترم وزیر سره شریک کړل.
همدارنګه حاضرینو په نیمروز کې له ایران سره په پوله د افغان راستنېدونکو د وضعیت او د ایران په خاروه کې د راتګ پر مهال د مهاجرینو پر مخ د خنډونو او شته ستونزو په اړه د افغانانو شکایتونه له محترم وزیر سره شریک کړل.
محترم مولوي عبدالکبیر راغلو علماوو او د پوهنتون استادانو ته د ښه راغلاست په ویلو سره په علمي او اصلاحي برخو کې د هغوي د هڅو ستاینه وکړه.
محترم وزیر زیاته کړه، چې د راستنېدونکو او اړمنو افغانانو لاس نیوی د اسلامي امارت د چارو یوه مهمه برخه ده او له نیکه مرغه اسلامي نظام د ولس په ملتیا توانیدلی چې زلزله ځپلو او راستنېدونکو ته مناسب خدمتونه ورسوي.
محترم مولوي عبدالکبیر شوي وړاندېزونه مهم وبلل او یادونه یې وکړه، چې اسلامي نظام د علماوو او ولس مشورو ته اړتیا لري.

تازه خبرونه

چهارشنبه ۱۴۰۵/۸/۲۰ - ۱۴:۹
Background image

ترکیې ته د مهاجرینو چارو وزارت تللي پلاوي د خپل سفر راپور د مهاجرینو چارو له وزیر سره شریک کړ

ترکیې ته د افغان کډوالو ستونزو د حل په موخه د مهاجرینو چارو وزارت د مقام دفتر رییس ښاغلي مولوي سعید احمد بنوري پر مشرۍ، د یاد وزارت او بهرنیو چارو وزارت تللي ګډ پلاوي نن د خپل سفر راپور. . .

سه‌شنبه ۱۴۰۵/۸/۱۹ - ۱۵:۵۶
Background image

د مهاجرینو چارو وزیر د لغمان له مرستیال والي سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې د لغمان له مرستیال والي ښاغلي حافظ انځیرګل عبدالله سره وکتل.
په دغې لیدنه کې، چې له ښاغلي عبدالله سره د. . .

یکشنبه ۱۴۰۵/۸/۱۷ - ۱۳:۳۹
Background image

د مهاجرینو چارو وزیر په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل

د مهاجرینو او راستنېدونکو چارو وزیر محترم مولوي عبدالکبیر نن په خپل کاري دفتر کې په جلا ناستو کې د خوست د ګربز او موسي خېلو ولسوالیو له قومي مخورو او علماوو سره وکتل.
د پیل په ناسته کې. . .

بېرته خبرونه ته