د کډوالو او راستنېدونکو چارو سرپرست وزير محترم مولوي عبدالکبیر د روژه ماتي په مېلمستیا کې له یو شمېر پخوانیو چارواکو، قومي مخورو او د رسنیو له فعالینو سره وکتل.
محترم مولوي عبدالکبیر د مېلمستیا په پیل کې حاضرو شخصیتونو ته ښه راغلاست وویل او زیاته یې کړه، چې افغانستان د افغانانو شریک کور دی او هر فرد په کې حقونه لري او همدارنګه اسلامي امارت د ولس د هوسا ژوند لپاره هڅې کوي.
د محترم وزیر په وینا چې اسلامي نظام، د اسلام اصولو ته په پام سره د ټولنې د ستونزو حل ته ژمن دی او د وخت په تېردو سره به ټولې ستونزې حل شي.
د ناستې پر دوام راغلو قومي مخورو، پخوانیو چارواکو او رسنیزو فعالینو په بېلابېلو برخو کې د اسلامي امارت پر فعالیتونو خبرې وکړې او وې وویل، اړتیا ده چې د اسلامي امارت لاسته راوړنې له نړۍ او ولسونو سره په بشپړ ډول شریکې شي.
دغه راز حاضرو شخصیتونو د یو لړ مسائلو او موضوعاتو په هکله خپل نظرونه او مشورې له محترم مولوي عبدالکبیر سره شریکې کړې او یادونه یې وکړه، چې ولس د اسلامي امارت لخوا د شته ستونزو د حل هیله لري.
