د کډوالو او بېرته راستنېدونکو چارو سرپرست وزیر د ملګرو ملتونو له استازي سره وکتل
د کډوالو او بېرته راستنېدونکیو چارو سرپرست وزیر محترم مولوي عبدالکبیر، په افغانستان کې د ملګرو ملتونو د ځانګړي استازي له مرستیال ښاغلي اندریکا راټوټه، سره وکتل.
په دې ناسته کې ښاغلي اندریکا راټواټه په ګاونډیو هېوادونو کې د افغان کډوالو پر وضعیت اندېښنه وښوده او ویې ویل، چې دوی به له افغان کډوالو سره د پاکو اوبو، روغتیا، زده کړو او سرپناه په برخو کې خپلو مرستو ته دوام ورکړي.
د نوموړي په وینا، د ۱۷ ښارګوټو لپاره د ځمکو موافقه شوې، ترڅو راستنېدونکو کډوالو ته پکې د استوګنې او ژوند زمینه برابره شي.
د کډوالو او راستنېدونکیو چارو سرپرست وزیر محترم مولوي عبدالکبیر، د ملګرو ملتونو له بشري مرستو څخه د مننې تر څنګ یې د تداوم غوښتننه وکړه. نوموړي په ګاونډیو هېوادونو کې له افغان کډوالو سره د زور زیاتي د درېدو غوښتنه وکړه او ویې ویل، چې افغان کډوالو ته باید اسانتیاوې برابرې شي.
هغه په اجباري ډول د افغان کډوالو د ایستلو په بهیر اندېښنه وښوده او ویې ویل، اجازه دې ورکړل شي چې افغان کډوال په دواطلب ډول هېواد ته را ستانه شي.
همدا راز، محترم مولوي عبدالکبیر زیاته کړه، چې هېواد ته راستانه شوي کډوال او بېځایه شوي کورنۍ له ستونزو سره مخ دي او له مرستندویه ادارو یې وغوښتل چې د هغوی د ځای پر ځای کېدو او سهولتونو د برابرولو لپاره دې بېړنۍ مرستې کړي
