د پکتیکا ولایت د مهاجرینو ریاست د کارونو ارزونه وشوه
د مهاجرینو او راستنېدونکو چارو مرستیال الحاج محمد ارسلاح خروټي پکتیکا ولایت زیړوک ولسوالۍ ته د سفر پر مهال د پکتیکا ولایت د مهاجرینو چارو له ریاست څخه لیدنه وکړه
د ریاست کارکونکو د داخلي بې ځایه شویو او په دغه ولایت کې زلزله ځپلو او سیلاب ځپلو ته د خدمتونو وړاندې کولو په برخه کې خپل کاري راپور وړاندې کړ او د مرستیال صیب له لورې لازمې سپارښتنې ورته وشوې.
دغه راز د ورځې په پای کې ښاغلي خروټي د افغاني سرې میاشتې له عمومي رئیس ښاغلي مولوي مطیع الحق او د پکتیکا ولایت والي مولوي عبدالله مختار سره هم ناسته وکړه، چې په دغه ناسته کې د پکتیکا ولایت زلزله ځپلو او سیلاب ځپلو سیمو ته د مرستو رسولو په میکانیزم، د ورانو شوو لارو په بیا رغونه او ځینو نورو مهمو موضوعاتو خبرې وشوې
