د پکتيا، پکتيکا، خوست او لوګر ولايتونو د شخړو د حل په موخه يوه لويه غونډه ترسره شوه

sadam_morr
شنبه ۱۴۰۱/۲/۲۴ - ۴:۴
ـ
د مهاجرينو او راستنېدونکو چارو وزیر الحاج خليل الرحمن حقاني په ابتکار د جنوب ختيځ زون ولايتونو د قومي شخړو د حل په موخه لويه غونډه ترسره شوه چې د پکتيا او پکتيکا ولايت د واليانو ترڅنګ په کې ددغه ولایتونو د بيلابيلو قومونو علماؤ، سپين ږيرو او مخورو ګډون درلود.
ښاغلي حقاني وويل: هڅه کوو چې د قومونو او کورنيو ترمنځ رامنځته شوې دښمنۍ او شخړې د افغاني دود او فرهنګ له مخې د جرګو او مرکو له لارې حل کړو.
په دغه ناسته کې ټولو قومونو په يووالي سره د شخړو د حل په موخه خپل استازي معرفي کړل چې په راتلونکې ناسته کې به اعلان شي.
ښاغلي حقاني د غونډې په څنډه کې د دوه کورنيو ترمنځ د شخړې د ختمولو په موخه تيږه کيښوده چې له ډير وخته يې يو د بل سره دښمني وه.
دواړو لوريو د ښاغلي حقاني څخه مننه وکړه چې د دوي ترمنځ يې د خير تيږه کيښوده او په ډيره خوښه يې خپل واکونه جرګې ته وسپارل.

تازه خبرونه

شنبه ۱۴۰۱/۹/۵ - ۱۲:۱۸
Background image

د مهاجرينو چارو وزارت مسلکي مرستيال د بغلان ولايت مسؤلينو او چارواکو سره لينده وکړه

د مهاجرينو او راستنېدونکو چارو وزارت مسلکي مرستيال مولوي عبدالرحمن راشد چې په  رسمي سفر بغلان  ولايت ته تلی، د ليندۍ په ( ۵) مه يې د بغلان ولايت د مسؤلينو د همغږۍ په ناسته کې ګډون وکړ.

. . .
پنجشنبه ۱۴۰۱/۹/۳ - ۲۰:۳۸
Background image

خروټی: د یووالي لپاره یوه لار ده، چې د اسلامي نظام تر چتر لاندې ټول د نظام په ملاتړ لاسونه ورکړو

 
د مهاجرینو او راستنېدوکو چارو وزارت مرستیال الحاج محمد ارسلاح خروټي د کابل ولایت، خاکجبار ولسوالۍ د خروټو کلي د جامع مسجد په پرانست غونډه کې وویل: افغانان باید له تېرو تجربو سالمه. . .
پنجشنبه ۱۴۰۱/۹/۳ - ۱۲:۴۵
Background image

د مهاجرینو چارو وزیر ولایتي مسؤلینو ته:له تعصب، خود غرضۍ او ملګرتیا څخه ډډه وکړۍ

د مهاجرینو او راستنېدونکو چارو وزیر الحاج خلیل الرحمن حقا ني د دغه وزارت له ولایتي مسؤلینو سره په ناستې کې د اداري وضعیت د ښه والي ، له مرکز سره د همغږۍ او اړمنو کورنیو ته دغوره خدماتو. . .

بېرته خبرونه ته