د پنجشير ولايت اړمنو خلکو او داخلي بې ځايه شويو سره د مرستو او ستونزو د حل په موخه د کډوالو او راستنېدونکو چارو وزارت په مشرۍ يو ګډ پلاوي دی ولايت ته سفر وکړ

sadam_morr
دوشنبه ۱۴۰۰/۷/۱۹ - ۱۷:۵۷
____________

1400کال، تلې، 18مه، کابل؛افغانستان

د کډوالو او راستنېدونکو چارو وزارت ‌د داخلي بې ځايه شويو د دايمي حل رئيس مولوی شمال خان عثماني په مشري يو پلاوي، چې د دې وزارت مطبوعاتو رئيس مفتي عبدالمطلب حقاني، د دعوت او وزارت غړي مولوي محب الله مخلص، د پروان ولايت د استخبارتو مسؤل مولوي صديق الله او يو شمېر نورو غړو يې ملتيا کوله؛ پنجشير ولايت ته سفر وکړ.

د پنجشير ولايت مرستيال والي مولوي روح الله د دغه پلاوي د راتګ څخه مننه وکړه او وويل: ددې ولايت اوسېدونکي د افغانستان اسلامي امارت له مرستو څخه ډېر خوشحاله دي.

نوموړی د کډوالو او راستنېدونکو چارو وزارت مرستې ډېرې ګټورې وبللې او د خلکو مشکلاتو ته په کتو يې د مرستو په برخه کې، د ياد وزارت د لا توجو غوښته وکړه.

د کډوالو او راستنېدونکو چارو وزارت، د داخلي بې ځايه شويو د دايمي حل د چارو رئيس مولوي شمال خان عثماني وويل: اوس لپاره يواځی د (500) کورنيو مرستې دې ولايت ته لېږل شوي، چې له دې ډلې (89) کورنيو ته مرستې ویشل شوي او (411) کورنيو ته به نن وويشل شي.

د هغه په وينا، په دغه مرستو کې (50) کيلو وړه، (20) کيلو وريجې، دوه کمپلې، دوه جمپری او د خوراکي توکو يو کيټ شامل دی.

نوموړي همدارنګه د پنجشير ولايت د مسؤلينو او خلکو ستونزې وارېدلی او د ژر حل کېدو ډاډ يې ورکړ.

د دعوت او ارشاد وزارت غړي، مولوي محب الله مخلص د پنجشير د مرستو د دوام په اړه وويل: زموږ مرستې به دوام لري او ګډ پلاوي هڅه کوي د نورو موسساتو کمکونه د دې ولايت لرو پرتو سيمو ته ورسوي.

 

تازه خبرونه

دوشنبه ۱۴۰۰/۷/۲۶ - ۱۵:۴۰
Background image

د پاکستان الخدمت خېريه بنسټ له لوري په پکتيکا ولايت کې اړمنو او بېځايه شويو کورنيو سره د خوراکي توکو مرسته وشوه

1400کال, تلې، 18مه،کابل،پکتیکا

د پاکستان هېواد، الخدمت خېريه بنسټ له لوري د(124) ټنه په ارزښت د (2100) بې ځایه شویو او اړمنو کورنیو لپاره د خوراکي توکو مرسته د کډوالو او راستنېدونکو. . .

یکشنبه ۱۴۰۰/۷/۲۵ - ۸:۳۹
Background image

په کابل کې (500) اړمنو او بې ځايه شويو کورنيو سره د خوراکي توکو مرسته وشوه

1400کال, تلې، 2۵مه،کابل،افغانستان

په کابل (500) اړمنو او بې ځايه شويو کورنيو سره بېلابېلو خوراکي توکو مرسته وشوه.

د دغو مرستو د ويش پر مهال د کابل د کډوالو او راستنېدونکو چارو رئيس. . .

شنبه ۱۴۰۰/۷/۲۴ - ۶:۱۰
Background image

پاکستان له افغانستان سره شپاړس لارۍ خوراکۍ او د ژمي توکو مرسته وکړه

دغه مرستې پرون ماښام په کابل کې د پاکستان سفير ښاغلي منصور احمد خان د افغانستان اسلامي امارت د کډوالو او راستنېدونکو چارو سرپرست وزير الحاج خلیل الرحمن حقاني ته وسپارلې.

ښاغلي حقاني د. . .

بېرته خبرونه ته