د يوشمېر موسسو سره د همکاريو هوکړه ليکونه لاسليک شول
د( 42279914) امريکايي ډالرو په ارزښت مهاجرينو چارو وزارت او يوشمېر موسسو ترمنځ د تلې په (۱۲) مه د همکاريو هوکړه ليکونه لاسليک شول.
د لاسليک شوو هوکړه ليکونو پر بنسټ به د اسلاميک ريليف موسسه په هرات کې، (۶۴۲) کورنيو ته سرپناوې جوړوي، موسسه دست های کمکی برای کمک په زابل، قندهار، ارزګان او باميانو کې د طبيعي پېښو له امله ( ۴۷۴۰) زيانمو شوو کورنيوته او د بشري مرستو د همغږۍ موسسه به په فراه کې ( ۱۸۱۴) کورنيو سره په بېړنيو حالاتو کې مرستې کوي.
همدارنګه د بشري مرستو د همغږۍ موسسه د خپلې دوهمې پروژې له طريقه (۹۲۷) اړمنو کورنيو سره په فراه کې نغدي او د خوراکي توکو په برخه کې او د ودان موسسه به په هرات کې سل کورنيو سره د کارموندنې په برخه کې مرستې کوي.
ياد هوکړه ليکونه د بشري مرستو د همغږۍ رئيس شيخ عبدالرحمن رحماني او د يادو موسسو د استازو ترمنځ لاسليک شول.
شيخ عبدالرحمن رحماني د هوکړه ليکونو د لاسليکولو پرمهال د پروژو په بېلابېلو پړاوونوکې په تطبيق او راپور ورکولو په روڼتيا ټينګار وکړ او له همکارو بنسټونو يې وغوښتل چې د لاسليک شوو هوکړه ليکونو له مخې عمل وکړي.
