د وزارت مسلکي مرستیال د فاریاب د مهاجرینو ریاست وکاته
د مهاجرینو او راستنېدونکو چارو وزارت مسلکي مرستیال مولوي عبدالرحمن راشد فاریاب ولایت ته په خپل سفر کې هلته د مهاجرینو ریاست له رییس او کارکوونکو سره وکتل.
د وزارت مسلکي مرستیال وویل: د هېواد شمال او شمال ختیځ ته د سفر موخه د چارو کتنه، له نږدې څخه د ستونزو اورېدل او ورته رسېدنه ده.
ښاغلي راشد د فاریاب مهاجرینو ریاست کارکوونکو ته پر رښتینولۍ او امانتدارۍ او خلکو ته پر خدمت ټینګار وکړ.
د فاریاب د مهاجرینو چارو رییس ملا سیف الدین جهادي د وزارت مسلکي مرستیال او ورسره مل پلاوي ته ښه راغلاست ووایه او بېځایه شویو او راستنو شویو ته د غوره خدمتونو او د دوی ستونزو ته د رسېدنې ډاډ یې ورکړ.