د وزارت سرپرست وزیر د تخار ولایت له مرستیال والي سره ولیدل
د مهاجرینو او راستنېدونکو چارو وزارت سرپرست الحاج خلیل الرحمن حقاني د تخار ولایت له مرستیال والي مولوي خال محمد حقاني سره ولیدل.
ښاغلي حقاني یاد ولایت ته په سفر د دغه ولایت د نویو راستنېدونکو په اړه معلومات، د عالي کمیسون او دولسو کمېټو مسولیت او ارزښت په اړه خبرې وکړې.
دغه راز ښاغلي وزیر د ژمي له رارسېدو مخکې په دغه ولایت کې له سوداګرو او مرستندویه ادارو څخه اړمنو کسانو ته د مرستو راټولولو په اړه هم ټینګار وکړ.
ښاغلی وزیر د یاد ولایت له مسولانو څخه وغوښتل چې د مهاجرینو اصلي ستونزې و پېژندني او په وخت یې له مرکز سره شریکې کړي، همدا راز نوموړي زیاته کړه چې پسرلي کې به په راستنېدونکو د کور جوړولو په موخه د ځمکو د وېش لړۍ هم پیل شي،
د تخار ولایت د مهاجرینو د ریس په وینا په دغه ولایت کې تر اوسه پورې دوه زره راستنېدونکې کورنۍ ثبت شوې دي.
