د مهاحرینو او راستنېدونکو چارو وزیر د بادغیس ولایت څخه لیدنه وکړه
د مهاجرینو او راستنېدونکو چارو وزیر الحاج خلیل الرحمن حقاني د یوپلاوي په مشرۍ د سلواغې په (٢٤) مه بادغیس ولایت ته په رسمي سفر تللی او د یوشمېر سیمه ییزو چارواکو سره یې لیدنه کړې.
هغه په دغه سفر کې د بادغیس ولایت د مهاجرینو او راستنېدونکو چارو امریت څخه لیدنه وکړه،ټولوکارکوونکو ته یې لازمه سپارښتنه وکړه ،چې پروخت دې داړمنو او مستحقو کورنیو ستونزو او ننګونو ته د مرکزي ادارې سره په ګډه همغږۍ او همکارۍ رسیدګي کوي .
هغه همدارنګه(٨٨٠) اړمنو کورنیو ته د چین هېواد د بشري مرستو دوېش پرانیسته وکړه،چې له مخې به یې هرې کورنۍ ته (٥٠) کیلو وریجې،یوه یوه کمپله او (٣٥٠) کورنیو هرې کورنۍ ته یو یو جمپر ووېشل شي.
د ویلو ده چې د ښاغلي خلیل الرحمن حقاني له لورې یو شمېر اړمنو او مستحقو کورنیو سره نغدي مرسته هم تر سره شوه.
