د مهاجرینو چارو وزیر د کډوالو عالي کمشنرۍ له عمومي مرستیال سره وکتل

د مهاجرینو او راستنېدونکو چارو وزیر الحاج خلیل الرحمان حقاني د کډوالو لپاره د ملګرو ملتونو عالي کمشنرۍ (UNHCR) له عملیاتي مرستیال ښاغلي رؤوف مازو سره، چې د اسیا او پسفیک هېوادونو لپاره ددغه ادارې رئیس اندریکا روټواټي او د افغانستان لپاره د یونیسار مشر لیونارد زولو یې هم ملتیا کوله؛ په خپل کاري دفتر کې وکتل

په دغه ناسته کې په افغانستان کې د (UNHCR) پر فعالیتونو، راستنېدونکو او داخلي بې ځایه شوو ته په منظم او اسانه ډول د بشري مرستو رسولو او د مهاجرینو وزارت او یونیسار ادارې ترمنځ پر ګډو همکاریو خبرې وشوې ښاغلي مازو په افغانستان کې د یونیسار د فعالیتونو په اړه خبرې وکړې ویې ویل: تېر کال مونږ له ۵.۹ میلیونه خلکوسره مرستې کړي او په راتلونکې کې غواړو دا مرستې نورې هم زیاتې شي ښاغلي ریټواټي وویل: سږکال د مهاجرینو راستنېدنه د تمې خلاف زیاته وه او راتلونکی کال ښایي له دې هم زیاته وي د مهاجرینو چارو وزیر وویل: مهاجرین په ټوله نړۍ کې ترټولو مظلومه او بېوزله طبقه ده او هیڅکله باید د سیاستونو ښکار نشي، نوموړي زیاته کړه، د مهاجرینو چارو وزارت په ټول افغانستان کې نږدې ۱۰۰ زره نمرې د راستنېدونکو لپاره چمتو کړي او د لومړنیو اسانتیاو، مکتبونو، کلینیکونو او مسجدونو د جوړولو لپاره یې هلې ځلې کوي ښاغلي حقـ.ـاني زیاته کړه، بشري مرستې دې ددغه ښارګوټو په ابادولو ولګول شي ترڅو د راستنېدونکو لپاره اساسي خدمتونه وړاندې شي