د مهاجرینو چارو وزیر د ځاځیو قوم له مشرانو او سپین ږیرو سره ولیدل
د مهاجرینو او راستنېدونکو چارو وزیر الحاج خلیل الرحمان حقاني د حاجي عبدالصمد په مشرۍ د ځاځیو قوم له مشرانو سره په خپل کاري دفتر کې ولیدل
په دغه ناسته کې ښاغلي حقان ي د دغه قومونو ستونزې او مشکلات واورېدل او ډاډ یې ورکړ، چې ددوی ستونزې به له ټولو اړونده جهتونو سره شریکې او د حل په موخه به یې هڅې وکړي
نوموړي وویل نظام د ټولو قومونو ګډ کور دی، ملاتړ یې زمونږ او ستاسو ګډه دنده ده، ټول کارونه او شخړې باید د اسلامي شریعت په رڼا کې حل او فصل کړو او هیچاته د خپلسرۍ اجازه نه ورکوو
