د مهاجرینو چارو وزیر د زلزله ځپلو سره د مرستو له بهیر څخه څارنه وکړه
د مهاجرینو او راستنېدونکو چارو وزیر الحاج خلیل الرحمن حقاني د خوست ولایت سپېرې ولسوالۍ او پکتیکا ولایت برمل ولسوالۍ کې له زلزله ځپلو سره د مرستو بهیر څارنه وکړه، د مرستو د ویش لپاره ټاکل شوو کمېټو کاري راپور یې واورېد او هغوی ته یې لازمې لارښوونې وکړې
ښاغلي حقاني په سپېرې ولسوالۍ کې له ازرو کلي څخه، چې د زلزلې له امله زیانمن شوي و؛ هم لیدنه وکړه او هلته یې له علماءو او قومي مشرانو سره ناسته وکړه، د هغوی ستونزې یې واورېدې او د حل ډاډ یې ورکړ
د یادونې وړ ده، چې د محترم رئیس الوزراء د امر سره سم د مهاجرینو چارو وزیر، د حوادثو د مخنیوي مرستیال وزیر او د روغتیا وزیر له اولې ورځې څخه په سیمه کې شتون لري او د مرستو رسولو ټول کارونه له نږدې څاري