د مهاجرینو چارو وزیر د اسلام قلعه دروازې د مهاجرینو له امریت څخه لیدنه وکړه
د مهاجرینو او راستنېدونکو چارو وزیر الحاج خلیل الرحمان حقاني هرات ولایت ته د خپل سفر په ترڅ کې له ایران سره د اسلام قلعه دروازې د مهاجرینو چارو له امریت څخه د کارونو د ارزونې په موخه لیدنه وکړه
ښاغلي حقاني سره په دغه پلاوي کې د مهاجرینو چارو وزارت ارشد سلاکار مفتي محمود ذاکري، د مرستو د همغږۍ رئیس شیخ عبدالرحمان رحماني، د حقوقي ملاتړ رئیس مولوي محمودالحق احدي ملتیا کوله
ښاغلي حقاني د دغه امریت له کار کوونکو د کاري فعالیتونو راپور، ستونزې او مشکلات واورېدل او د حل ډاډ یې ورکړ، نوموړي ټولو کارکوونکو ته په کار کې د اخلاص او ریښتینولۍ سپارښتنه وکړه
ښاغلي حقاني په دغه پوله د ځینو همکارو موسساتو له استازو سره هم ولیدل، د هغوی د کارونو ستاینه یې وکړه او لازمې سپارښتنې یې ورته وکړې
