د مهاجرینو چارو وزارت کفیل د لوګر ولایت د مهاجرینو له آمریت څخه لیدنه وکړه
د مهاجرینو او راستنېدونکو چارو وزارت مسلکي مرستیال او کفیل مولوي عبدالرحمان راشد د ځینو رئیسانو په ملتیا د لوګر ولایت ته د خپل سفر په ترڅ کې ددغه ولایت د مهاجرینو چارو له آمریت څخه لیدنه وکړه او د هغوی ستونزې او وړاندیزونه یې واورېدل
ښاغلي راشد ددغه امریت له کارکوونکو سره د ناستې پرمهال په اخلاص، اطاعت، همغږۍ، روڼتیا، د کاري بهیر په چټکتیا، د شریعت پابندي او نورو اړینو اصلاحاتو په رامنځته کولو ټینکار وکړ
د آمریت کارکوونکو د خپلو فعالیتونو په اړه ښاغلي راشد ته معلومات وړاندې کړل او د روڼتیا په اړه یې ډاډ ورکړ
