د مهاجرینو چارو وزارت مسلکي معین د چین د "نجات آسمان آبي" مؤسسې له استازي سره لیدنه وکړه.
د مهاجرینو او راستنېدونکو چارو وزارت مسلکي معین الحاج مولوي عبدالرحمن راشد، د چین د "نجات آسمان آبي" مؤسسې له استازي ښاغلي زینک یوپو سره په خپل دفتر کې ولیدل.
محترم راشد د هغه هرکلی وکړ او د چین هېواد د مرستو څخه د افغانستان د خلکو په ځانګړي ډول د طبیعي پېښو له زیانمن شویو کسانو سره د مرستو له امله قدرداني وکړه.
همدارنګه، د وزارت مسلکي معین اړینې لارښوونې وړاندې کړې او له یادې مؤسسې څخه یې د بېوزلو او تازه راستنېدونکو مهاجرینو سره د همکارۍ او مرستې غوښتنه وکړه.
ښاغلي زینک یوپو د افغانستان په ختېځ کې له وروستۍ زلزلې زیانمن شویو کسانو سره د خپلې مؤسسې د مرستو په اړه معلومات وړاندې کړل او په راتلونکې کې یې د مهاجرینو سره د مرستې او همکارۍ ډاډ ورکړ.
