د مهاجرینو چارو وزارت د رئیسانو او کارکوونکو د کړنو د ارزونې لړۍ پیل شوه
د افغانستان اسلامي امارت، د ریاست الوزراء د حکم له مخې، د مهاجرینوا او راستنېدونکوچارو وزارت د رئیسانو، امرینو او نورو کارکوونکو د کړنو د ارزونې لړۍ پیل شوه. دغه ارزیابي، چې د چارو ادارې، د اداري اصلاحاتو د هیآت له لورې ترسره کیږي؛ به د هر کارکوونکي د دندو د ترسره کولو څرنګوالي، د مسوولیت احساس، او د کاري موثریت په اساس تر سره کېږي.
د پیل په ناسته کې د وزارت مالي او اداري مرستیال شیخ کلیم الرحمان فاني اوویل، چې د ارزونې هدف د ادارې د چارو ښه والی او د کارکوونکو وړتیاوو ته وده ورکول دي، نوموړي زیاته کړه، چې ارزونه به په شفاف ډول او د ټاکل شويو معیارونو پر بنسټ ترسره شي
ټاکل شوې ده، چې دا لړۍ به په راتلونکو څو ورځو کې د ټولو اړوندو څانګو په ګډون بشپړه شي
