د مهاجرینو چارو سرپرست د (UNHCR) موسسې له رئیس سره وکتل
د مهاجرینو او راستنېدونکو چارو وزارت سرپرست وزیر الحاج خليل الرحمن حقاني د افغانستان لپاره د کډوالو عالي کمشنرۍ (UNHCR) له رئیس ښاغلي لیونارد زولو سره په خپل کاري دفتر کې وکتل
په دغه ناسته کې د مهاجرینو چارو وزارت او یونیسیار ادارې ترمنځ په ګډو همکاریو، درې اړخیزه ناستو او ۲۰۲۳ م کال د (PPA) پروژو په اړه خبرې وشوې
ښاغلي زولو د مهاجرینو چارو وزارت همکاري د خپلې ادارې لپاره مهمه وبلله او د ګډو همکاریو په کړنو یې خوښي څرګنده کړه، نوموړي وویل، مونږ خپلې ژمنو ته متعهد یو او د نورو جانبي مسایلو له امله باید زموږ اړیکې خرابې نشي
د مهاجرینو چارو وزیر وویل، د مهاجرینو وزارت او یونیسیار ادارې د ګډ کار اوښه تعامل له امله مونږ ډېرې لاسته راوړنې لرو، مونږ اول باید مخکینۍ ټولې ستونزې حل او راتلونکي پروژې د ټاکل شوو اصولو او پریکړو له مخې سر ته ورسوو
مسلکي مرستیال مولوي عبدالرحمان راشد تېرې څلور اړخیزه ناستې ته په اشارې وویل، په ناستو کې چې کومې ژمنې کېږي باید عملي جنبه ولري او پایله یې ولس په سترګو وویني
